Esti eventu faese tolos años en Avilés en Xunetu y cada añu va creciendo más. Ye un festival de fantasía,terror y ciencia ficción. Esti añu foi del 11 al 14 de xunetu, y ya tien espublizaes les feches del añu que vien(y dalgunos invitaos anunciaos). Dexo equí el programa dedicáu al eventu que fiximos en Playpresta dientro de CosplayPresta.
Más de 120 invitaos en plenu centru d’Avilés.
El Celsius auna el alcuentru lliterariu con actividaes practiques, que van desde charres hasta toles nueches del festival cine na cai, na plaza del Ayuntamientu.
Esti añu contó cola asistencia deun montón d’autores internacionales, ente ellos Dan Abnett, autor de los cómics de Guardianes de la Galaxia, y Elisabetta Gnone, autora de les WITCH y de Fairy Oak. Y también nacionales, con autores como Javier Ruescas, o Iria y Selene, autores de Antihéroes.
El festival, que crez tolos años, tien un sinfín de actividaes, que munches veces solapense incluso. Cuenta dientro d’él con varies zones:
- El apartáu de lletres y bits, donde podemos alcontrar actividaes y charres rellacionaes col mundu del videoxuegu. Esti añu tuvimos la suerte de tener a un de los guionistes de The Witcher, que dio varies charres que completaron l’aforu.
- La Escuela asturiana d’esgrima antiguo, qu’impartió varies master class y talleres.
- Xornaes de doblaxe, donde tuvieron invitaos Tania Ungía, Juan Navarro Torrelló, Eduardo Gutierez, Isatxa Mengivar y Rafael Naranjo.
- Unes Xornaes de cosplay, coordinaes por Manlima Cosplay, que fizo a lo llargo del festival varies demostraciones y técniques avanzaes de creación.
- Un taller lliterariu pa escritores
- Partides de rol
- Y un montón d’actividaes más.
Yo por primera vez pudi disfrutar del festival tolos díes y la verdá que foi una experiencia única y que quiero repetir. La cercanía qu’alcuentres ellí, tanto d’invitaos como de organización ye difícil d’encontrar.
Y hasta aquí too, déxovos la direición de la páxina oficial del eventu y dalgunos Links del vuesu interés.